ТРАЧ МУАБЕТИ

Се е трач но има и вистина

ТРАЧ МУАБЕТИ > Ракомет > Вардар со блескаво второ полувреме го „прегази“ Мешков Брест

Вардар со блескаво второ полувреме го „прегази“ Мешков Брест

1 мин читање

Македонскиот првак Вардар ја забележа петтата победа во групната фаза од Лигата на шампионите, откако вечерва беше поуспешен од Мешков Брест со 30:23.

„Црвено-црните“ до победата стигнаа по подобра игра во второто полувреме. Првите 30 минути завршија нерешено 14:14. Предводник во триумфот на домаќините беше хрватскиот интернационалец Игор Карачиќ со 11 голови.

Вардар на овој меч настапи ослабен без левиот бек Вуко Борозан. И во следното коло македонскиот првак ќе биде домаќин, во СЦ „Јане Сандански“ следниот викенд доаѓа Барселона.

По шест рунди Вардар има пет победи и еден пораз и е на првото место на табелата во А-групата.