Жестока кавга меѓу ДУИ и СДСМ, јавно се скараа Талат Џафери и Ејуп Алими, вмешан и Тунтев?!
1 мин читање
Ејуп Алими, пратеник од ДУИ на почетокот на собраниска седница побара пауза од еден час бидејќи пратеничкото мнозинство на СДСМ и ДУИ мора да ги усогласат текстовите и членовите на законите кои ги предлагаат заедно.
Со цел усогласување на неколку закони кои се поднесуваат заедно со Владата барам пауза од еден час додека ги усогласиме текстовите и членовите кои се спорни од пратениците и конкретно предлагачите на законите, побара Ејуп Алими пратеник од ДУИ.
Тој додаде дека ова се однесува на законот за управата за јавни приходи а како причина наведе дека законите мора прво да се усогласат со матичните закони.
Како што рече Алими, паузата ја бара бидејќи администрацијата на Владата не секогаш поднесува и испраќа професионални законски мислења.
Гледам дека од страна на администрацијата на Владата не секогаш ни се поднесуваат и испраќаат професионални и законски мислења, вели Алими.
Јас во мојата процедурална забелешка барав пауза во врска со оваа седница, но сепак ќе се надоврзам и на вашето објаснување. Реално од Владата која што ја имаме изгласано и формирано бараме правни и професионални, а не паушални мислења, додаде тој.
20
0
