Клупата на Горан Стефановски

Денеска, околу ова време, требаше да се собереме во Дебар Маало за да ја откриеме клупата на Горан (заедно со една мала забава за неговиот роденден, кој е утре), напиша денеска на својот фејсбук-профил Игор Стефановски, синот на Горан Стефановски.

„Тоа, како и многу други нешта, не се случи, но се надевам дека во скоро време ќе бидеме заедно за овој и сите културни настани кои толку многу ни фалат овие денови. Бидејќи, што е животот без културата? 🧐 До скоро (пупупу)!“, напиша Игор.

И Јана Белчева, претседателката на Советот на општина Центар најави дека клупата, и покрај кризата, наскоро ќе се постави. „Клупата со Горан Стефановски ќе биде место за секој да може да седне до него и да си размислува за животот, за среќата и тагата, за вистината или обратноста. Ќе го славиме животот и ќе се потсетуваме на сѐ бесценето што ни остави во наследство“, напиша Белчева.

Извор:MKD.mk

Ве молиме пратете не и стиснете лајк:

20

0