ТРАЧ МУАБЕТИ

Се е трач но има и вистина

ТРАЧ МУАБЕТИ > Вести од светот > Ниту еден американски војник нема да одговара за убиствата на цивили во Кабул

Ниту еден американски војник нема да одговара за убиствата на цивили во Кабул

Во понеделникот, од американските воени претставници пристигна вест дека ниеден американски војници нема да одговара за убиството на невини цивили и деца во Кабул за време на напад со беспилотно летало во август оваа година.

Оваа вест доаѓа по заклучоците од „независната истрага“ спроведена од Пентагон, а одлуката ја договорил министерот за одбрана Лојд Остин по препорака на генералите кои ја предводат Централната команда и Командата за специјални операции.

Истрагата на генералниот полковник на воздухопловните сили Сами Саид, одобрена од Остин, откри дека имало наводни прекини во комуникацијата, идентификацијата и потврдувањето на целта, што резултирало со смрт на десет цивили, меѓу кои седум деца.

Саид заклучил дека тоа е само „трагична грешка“. На барање на Остин, генералите Френк Мекензи, шеф на Централната команда и Ричард Кларк, шеф на командата за специјални операции, требаше да го разгледаат заклучокот на Саид и да ги претстават своите предлози.

На крајот, тие само се согласија со истрагата на Саид и не предложија никакви казнени мерки, како што направи министерот за одбрана Остин.

На 29 август, Земерај Ахмади и неколку членови на семејството, меѓу кои седум деца, беа убиени во напад. Триесет и седумгодишниот Ахмади веќе подолго време е вработен во американска хуманитарна организација. Соединетите Американски Држави работат на плаќање отштета на роднините и преживеаните членови на семејството, како и на потенцијално да ги „извлечат“ од Авганистан, но се уште ништо не е направено.