Растат трошоците за живот, на годишно ниво повисоки за 1,5 отсто

Според најновите податоци на Државниот завод за статистика индексот на трошоците на животот во октомври 2018 година, во однос на претходниот месец, изнесува 100.3, а индексот на цените на мало 100.4 односно има зголемување за 0.3 % кај трошоците за живот додека кај индексот на цени на мало зголемување од 0,4 %.

Пораст на индексите на трошоците на животот во октомври 2018 година, во споредба со претходниот месец, е забележан кај свежиот и разладениот зеленчук, освен компирот и другите коренести плодови за 4.3 %, сушениот зеленчук, другиот конзервиран и преработен зеленчук за 1.8 %, замрзнатото овошје за 1.1 %, другите прехранбени производи за 0.8 %, рибата и морските плодови за 0.7 %, трбушките, јогуртот за 0.5 %, конзервираното овошје за 0.4 %, лебот и житата и алкохолните пијалаци за 0.2 %.

Во октомври 2018 година, исто така, пораст на индексите на трошоците на животот е забележан и кај гасот за домаќинствата за 6.6 %, течните горива за домаќинствата за 6.0 %, течните горива и мазива како дел од опремата за сопствени сообраќајни средства за 4.4 %, обувките, услугите за сместување за 2.7 %, ветеринарните и другите услуги за домашни миленици за 1.4 %, туристичките пакет-аранжмани за 1.1 %, лековите за 0.8 %, облеката за 0.7 %, цврстите горива за 0.5 %, дисковите, касетите, дискетите, цедеата, филмовите за 0.4 %, услугите за култура за 0.3 %, другите медицински производи, информатичката опрема, накитот и часовниците за 0.2 %.

Индексот на трошоците на животот во октомври 2018 година, во споредба со октомври 2017 година, забележа пораст од 1.5 %, а индексот на цените на мало забележа пораст за 2.7 %.

Ваквата состојба според експертите е алармантна посебно ако се земе фактот дека платите рално не растат додека трошоците за живот константно. На ваков начин се зголемува сиромаштијата која е огромна во Р.Македонија и секој ден се зголемува. Имено, според податоците повеќе од 460 илјади граѓани живееле на прагот на сиромаштијата во 2017 година.

Сиромаштијата се повеќе зема замав во земјава и се повеќе луѓе едвај имаат средства за основна егзистенција.  Според експертите Владата нема конкретни мерки за борба со сиромаштијата и таа од ден на ден се повеќе се зголемува. Македонија има меѓу  најголемите   стапки на  сиромаштија како во регионот така и во Европа што според експертите е  загрижувачки податок.

Ве молиме пратете не и стиснете лајк:

20

0