Србија загрижена поради одлуката за формирање војска на Косово

Српската премерка Ана Брнабиќ изјави дека денешниов ден кога Собранието во Приштина гласаше за законите за трансформација на Косовските безбедоносни сили во војска на Косово, „не е ден кој придонесува кон стабилност во регионот“, додавајќи дека Србија ќе продолжи со својот пат кон стабилност и мир.

Коментирајќи го формирањето на косовската Војска, Брнабиќ рече дека ова е тежок ден за неа и дека верува оти без стабилен регион нема ни стабилна Србија или која било друга земја во регионот.

Според неа, како што јави дописникот на МИА од Белград, подобро е да се зборува за соработка, наместо земјите да подигаат бариери и да размислуваат како да се спречи соработката.

Во врска со фомирањето на косовската Војска се огласи и српскиот министер за одбрана Александар Вулин, кој изјави дека се „согледува состојбата во Косово“ и дека Војската на Србија е „подготвена да ја исполни која било наредба на врховниот комадант, претседателот Александар Вучиќ, кој е информиран за сите детали“.

– Тоа е наша задача. За тоа каква наредба ќе се донесе, одлучува врховниот комадант, изјави Вулин.

Српскиот претседател Вучиќ, заедно со Вулин и началникот на Генералштабот на Војската на Србија, Милан Мојсиловиќ, од синоќа во следните 72 часа е во посета на повеќе единици во копнената безбедносна зона на границата кон Косово.

За денеска во Белград е најавена и вонредна прес-конференција за настаните во Приштина на директорот на спската владина Канцеларија за Косово и Метохија, Марко Ѓуриќ.

Ве молиме пратете не и стиснете лајк:

20

0